#玫瑰疹 #風癩 #發高燒
上幾個星期QQ病了，到左第五日先比醫生確定係✅玫瑰疹
一般來講玫瑰疹以為係兩歲以下先有機會有
但原來QQ2歲半了都有機會出的（正確5歲以下都有機會的）QQ仲要唔係按玫瑰疹（發完高燒三日就出紅疹），所以當佢發高燒真係超級擔心😢😢😢做父母就會知小朋友病係幾甘擔心，所以等我分享一下佢果幾日既狀況比大家知道下
過程✅
第一日⭕️
早上去左玩，回到家之後幫QQ換左衫洗手之後佢就訓著了。一直無咩特別
因為佢訓左，但我周不時都會望下佢訓成點
突然發現係佢面上豬吨上面左右分別有好似蚊咬到既紅塊。而且QQ開始抓痕，不斷抓就不斷起紅塊。我就上網查了一下。原來係風癩（都不太大問題的基本上一兩日就會無又或者即日就無事
舒緩方法
沖涼，或用毛巾/冰袋敷一下，就可以舒緩同無事，
誰不知當風癩出完之時QQ體溫都突然一下子升高了。又上網望了一下。原來風癩有機會發熱發燒🤒️。但溫度實在有點高。38.5-40度不等。係高燒。半夜就比佢食左退燒藥。但好似都無退到燒，甘以為因為風癩令佢高燒而且無其他病徵都係比退燒藥佢舒緩一下）
㊙️因QQ發燒🤒️時唔肯比我幫佢抹身唔比我貼退熱貼。😔😣😔QQ爸爸就諗左一個方法就係拎啲冰塊/乾冰用毛巾包住然後放係最近佢既枕頭旁邊，背後面。令佢可以舒服一點只有呢個方法了
（如其他媽媽都有一啲秒法都可以分享一下）🥰
第二日⭕️
一早起身。風癩就已經退囇了。亦都無復發，但就keep住高燒。食左退燒藥都無退過燒
但精神還可。還顧住想去玩，胃口還是有的
但半夜因一直高燒，無退過燒。亦無出汗，所以開始擔心了走左去睇急症，當醫生都看不到什麼病症，唯有話比退燒藥，會叫留小朋友醫院觀察一下（因疫情關係，亦不想QQ唔舒服仲要戴住口罩又休息得無甘好)到最後都係决定左返屋企自己照顧
第三日⭕️
其實都未退燒，但精神還ok有胃口，下午去樓下睇西醫。都想聽多個醫生講下，食完藥醫生啲藥後一下子就由高燒變返微燒(我仲以為唔通啲平安藥就得耐啲藥力唔夠勁？不過全日都係一停藥多一陣間就又發返燒了，要靠藥物先控制到唔發燒
keep住食退燒藥。有精神。有胃口
第四日⭕️
一起身發現QQ面出左啲紅疹，其實似汗疹因為生係額頭。耳背，頸既部位（因為一早起身發現QQ 成頭汗以為係汗疹，然後都睇多一次西醫因眼睛👀入面有小小紅然後眼附近都紅了
有精神。胃口還是肯食野的。但食唔多
上網睇資料因擔心係川崎症腦炎等等😢（川崎症大家可以係fb搜一下都會有好多川崎病徵既相同資訊。有五大特徵的大家就會知道夠竟小朋友係唔係呢個病）
不過醫生都告知如小朋友精神狀態係唔好無精神無胃口又發燒又出紅疹先要特別特別注意
第五日⭕️
眼紅。身。手。面都出紅疹。反覆微燒
原來並唔係出疹後就完全無燒，QQ就要keep住食退燒藥精神狀態好胃口好
再去見多一次醫生。醫生亦好肯定話係玫瑰疹後我都放心了
第6日⭕️
身體主要部位都出囇紅疹，夜晚都退左大部分紅疹，而且無再發燒了
精神狀態十分好，好似無事發生過一樣了🤗🤗🤗
希望幫到大家
因為自已都係會上網睇下有無相同既病徵
因為我們都係第一次做媽媽
玫瑰疹資訊
https://www.eugenegroup.com.hk/article/detail/感染玫瑰疹-一次終身免疫
Search